Сяргей Астапавіч Пятровіч

Сяргей Астапавіч Пятровіч
Дата нараджэння	12 красавіка 1931(1931-04-12)
Месца нараджэння	Капыль, Капыльскі раён, БССР, СССР
Дата смерці	6 кастрычніка 1981(1981-10-06) (50 гадоў)
Род дзейнасці	тэатразнавец
Месца працы	Беларускі дзяржаўны акадэмічны тэатр юнага гледача Інстытут мастацтвазнаўства, этнаграфіі і фальклору імя Кандрата Крапівы НАН Беларусі Міністэрства культуры БССР
Навуковая ступень	кандыдат мастацтвазнаўства (1962)
Альма-матар	Беларускі дзяржаўны тэатральна-мастацкі інстытут (1955)
Член у	БСТД

Сяргей Астапавіч Пятровіч (12 красавіка 1931, Капыль — 6 кастрычніка 1981) — беларускі тэатразнавец. Кандыдат мастацтвазнаўства (1962).

Біяграфія

Скончыў Беларускі тэатральна-мастацкі інстытут у 1955 годзе. У 1955—1957 гадах — акцёр Беларускага рэспубліканскага тэатра юнага гледача, у 1960—1973 і 1977—1981 гадах — навуковы супрацоўнік Інстытута мастацтвазнаўства, этнаграфіі і фальклору АН Беларусі, у 1973—1977 гадах — намеснік Міністра культуры Беларусі.

Член Беларускага саюза тэатральных дзеячаў з 1955 года.

Навуковая дзейнасць

Даследаваў дзейнасць Е. Міровіча, тэатральную спадчыну Я. Коласа, развіццё тэатральнага мастацкага аматарства рэспублікі. Адзін з аўтараў «Гісторыі беларускага тэатра» (т. 1—2, 1983—1985).

Творы

• Народныя тэатры Беларусі. Мн., 1966;
• Тэатральная самадзейнасць Савецкай Беларусі. Мн. 1972;
• Якуб Колас і беларускі тэатр. Мн., 1975;
• Еўсцігней Міровіч. 2 выд. Мн., 1978;
• Дзіцячы тэатр БССР (1931—1941 гг.). Мн., 1983.

Літаратура

• А. А. Лабовіч. Пятровіч Сяргей Астапавіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.